SR 用的車套，一定不能用膠或尼龍製造，應該話單盤車的死氣喉特別熱，車套經常會貼近死氣喉，
用膠或尼龍製造的車套會被死氣喉的高溫溶掉而粘在上面，難以清理．
如不幸已經發生，可以在熱車的時候，用零號鋼絲綿把污跡擦走，零號鋼絲綿大慨十多元可在五金鋪買到，
再用擦銅水把死氣喉擦亮．或可以在凍車的時候，用Cutter新刀片伸到最長，
在污跡表面上輕力地把污跡削走，小心不要太用力把喉弄花，再用擦銅水把死氣喉擦亮即可．
Cutter是我常用的方法，因為比較方便，又不用去五金鋪買零號鋼絲綿．
車套的選擇非常重要，最近發覺車套開始到期， 於是便去安美行買一個，同老細講開SR條喉好熱，
最近改用SuperTrapp又拆去大架，只用側架，個套側埋一邊， 又拖地，又濕水．
老細話唔使怕，原來安美行有側架車用的車套，
咁SR500有嗎？“有，即刻改比你！多謝二百三蚊”
