發覺偈油已經下降至油針底，得番一滴；自己都已經逢二千五公里或三四個月，必換一次偈油架啦．
好！今次換完，油量是在油針刻度最上的位置，開始測試；
由於夏季太熱，期間翔仔駕駛不多過十次，都是由市區去沙灘，十次之後再檢查油針，
偈油已經下降低過油針中央的位置，唔通FCR勁過頭，連偈油都燒埋？走去問下自己整開車的師傅，
師傅阿榮話：你架車大食偈油?！
“大食偈油？咩大食偈油呀？”
“啊∼可能遮，鈴蝕左．”
“咁點呀？keep 住加番偈油得唔得？”
“冇話唔得既，可能仲有其他因素，不如做個小修．”
“小修？”
“故名思義，小修並唔係大修，因為遮鈴蝕左．盤頭點都要開，扑埋中缸，
開得就順便整埋哇佬，剷埋炭屎啦喂，拿，整完之後，
你架車會爽到痺，嘩∼個人騎上去又夠哂有型，嘿嘿∼你話爽唔爽？”
1998年出廠，2002年香港落地，翔仔係零首車主，已經六年車，
係時候整整佢，就係咁，我就擺低架車來個小修，咁好既客去邊度搵?．
師傅仲話我架車副引擎曾經被拆開過，即是頭四年在日本期間發生，好在沒有問題，零件還頗新．
其他要換的零件富力有現貨，唯獨套鈴冇現貨要訂，
仲要比富力阿康妮笑我係唔係炳得勁得滯；其實邊度係?，我都唔知幾咁斯文．
零件連運費$850
3L偈油連油格$250
埋單多謝$2600
7/9/2004